Qyrǵyzstan men Qazaqstan shekarasyndaǵy eki keden beketinen ótý jeńildetildi

ASTANA. QazAqparat - Osy kúnge deıin eki jaqty bolyp kelgen qyrǵyz-qazaq shekarasyndaǵy «Ken-Býlýn Avtojol» jáne «Tokmok Avtojol» baqylaý-ótkizý pýnktiniń deńgeıi adamdardyń yńǵaıyna qaraı kóp jaqty bolyp ózgertiledi, dep habarlaıdy Kabar agenttigi.

17 tamyzda Astanada ótken VII qyrǵyz-qazaq úkimetaralyq otyrysynyń nátıjesi boıynsha Qazaqstan men Qyrǵyzstan úkimeti qol qoıǵan 2003 jylǵy 29 jeltoqsannan bastap   memlekettik shekara arqyly ótkizý pýnkteri týraly Kelisimge ózgeris engizý týraly Hattama kúshine engennen keıin atalmysh normada almasýlar paıda bolady.

Hattamaǵa sáıkes, budan bylaı osy keden beketteri jan-jaqty deńgeıde jumys jasaıtyn bolady. Bul «Aq-Tilek Avtojol», «Aqjol Avtojol» ótkizý pýnkteriniń jumysyn jeńildetedi. Budan bólek, sheteldik týrıster Ystyqkól oblysyna «Ken-Býlýn» jáne «Tokmok» ótkizý pýnkteri arqyly esh kedergisiz ótý múmkindige ıe bolady.

Sonymen qatar, úkimetaralyq keńestiń otyrysynda Mýhammedkalyı Abylgazıev týrızdi damytý máselesine keńinen toqtaldy. Sebebi bul salanyń eki el úshin de mańyzy zor.

«Týrızmdi birigip damytý úshin keshendi sharalar qabyldaý kerek degen oıdamyz. Atalmysh másele boıynsha kelisim jobasyn jasasýdy usynamyz. Týrıstik qyzmet pen ónimderdi usynyp, buqaralyq aqparat quraldary arqyly elderdiń týrıstik áleýeti týraly aqparat taratý kerek. Jalpy, týrızm jaıynda jaqsy pikir qalyptastyryp, oǵan oń yqpalyn tıgizetin ınfraqurylymdyq jobalardy birigip jasaý kerek», - dedi Abylgazıev.