Qyrǵyzstan memlekettik tý kúnin atap ótip jatyr
Qyrǵyzstan prezıdenti Sadyr Japarov qyrǵyzstandyqtardy merekemen quttyqtap, halqyna beıbitshilik, amandyq, molshylyq, ashyq aspan men jarqyn bolashaq tiledi.
Memlekettik tý 1992 jyldyń 3 naýryzynda Qyrǵyz Respýblıkasy Joǵarǵy Keńesiniń jarlyǵymen bekitildi. Mereke QR Prezıdentiniń 2009 jyldyń 10 maýsymyndaǵy «Qyrǵyz Respýblıkasynyń memlekettik týy» jarlyǵymen bekitildi jáne 2010 jyldyń 3 naýryzynan bastap atap ótiledi.
Onyń avtorlary – Qyrǵyzstannyń tanymal arhıtektorlary men sýretshileri - Edil Aıdarbekov, Bekbosýn Jaıchybekov, Sabyr Iptarov, Júsip Mataev jáne Mamatbek Sydyqov.
Memlekettik tý qyzyl tikburyshty matadan turady, onyń ortasynda altyn tústes qyryq sáýlesi bar dóńgelek kún dıskisi jáne qyzyl tústi qyrǵyz kıiz úıiniń sımvoly túndik beınelengen.
Qyzyl tús qaırat pen batyldyqty bildiredi, altyn tústes kún tynyshtyq pen baılyq belgisi, sheńberge biriktirilgen 40 sáýle ejelgi 40 taıpanyń bir Qyrǵyzstan bolyp birikkenin ańǵartady, al túndik týǵan oshaq sımvoly, tereńnen oılasaq álemdegi beıbitshilikti bildiredi.
Avtor Gýlmıra Abdrahmanova
