Qyrǵyzstan mektepterinde úsh tilde oqytý júıesi engizilmek
ASTANA. QazAqparat - Qyrǵyzstanda qyrkúıek aıynan bastap orta mektepterde aǵylshyn tili kún saıyn oqytylmaq. Bul týraly QR prezıdenti Almazbek Atambaev Reseıdegi sapary barysynda aıtty, dep jazady Kabar .
«Osy kúzden bastap biz mektepterde aǵylshyn tilin kún saıyn oqytatyn baǵdarlamany engizip, úsh tilde oqytýdy jedeldetýdi qolǵa alamyz. Alaıda bizge eń birinshi kezekte memlekettik qyrǵyz tilin, sosyn orys jáne aǵylshyn tilderin úıretý qajet. Eki tildi bilseń úshinshi tildi úırený qıynǵa soqpaıdy. Máselen, men aǵylshyn tilin ınternettiń kómegimen ǵana meńgerip alǵanmyn», - dedi A. Atambaev.
Prezıdenttiń sózine qaraǵanda, Qyrǵyzstanǵa eń birinshi kezekte memlekettik tildi saqtaý qajet.
«Qyrǵyz tili Altaı órkenıetinen saqtalyp qalǵan ejelgi tilderdiń biri. Bizdi túrki tilderi qataryna jatqyzady, alaıda tilimizdi 90 paıyzy arab jáne parsy tilderinen engen sózder quraıdy. Árbir qyrǵyz balasy óziniń ana tilin bilip ósýi úshin jaǵdaı jasaý kerek», - dep atap ótti QR prezıdenti.
