Qyrǵyzstan mektepterinde shet tilderin oqýǵa qosymsha saǵattar bólinedi

BІShKEK. QazAqparat - Qyrǵyzstannyń Bilim jáne ǵylym mınıstrligi «Qyrǵyz Respýblıkasyndaǵy mektepte jalpy bilim berýdiń memlekettik standartyn bekitý týraly» normatıvtik-quqyqtyq aktisiniń jobasyn jurtshylyq talqysyna shyǵardy, dep habarlaıdy «QazAqparat» HAA-nyń menshikti tilshisi.

Jobada 9-synyptaǵy aptalyq oqý júktemesin bir saǵatqa qysqartýdyń esebinen 6-synyptyń aptalyq saǵatyn 29 saǵattan 30 saǵatqa deıin kóbeıtý kózdelip otyr. 6-synyptyń aptalyq júktemesin arttyrý shet tilin oqytý sapasyn arttyrýǵa baǵyttalǵan. Oqýshylarǵa shet tilin aptasyna 4 saǵat (2+2) oqytý usynylady. Qyrǵyzstan bilim mınıstrligi ókilderiniń aıtýynsha, bul ózgeris mektep bitirýshileriniń bolashaqta alys shetelderdegi joǵary oqý oryndaryna túsý múmkindigin arttyrady.

2017-2018 oqý jylynda Qyrǵyz Respýblıkasy Bilim jáne ǵylym mınıstrliginiń 5-synyptan bastap joǵary synyptarda shet tilderin oqýǵa bólinetin saǵattardy kóbeıtý bastamasyn pedagogtar men ata-analar qoldaǵan bolatyn. Bazalyq oqý josparyna sáıkes, 5-synyp oqýshylary shet tilin burynǵysynsha 2 saǵat emes, 5 saǵat oqıdy. Al bıyl 6-synyp oqýshylarynyń shet tilin oqý saǵattaryn arttyrýǵa kúsh salynyp otyr.