Qyrǵyzstan mektepterinde oqý jyly 15 qyrkúıekten bastalady
Qyrǵyzstan mınıstrler kabınetiniń baspasóz qyzmeti málim etkendeı, oqý jylynyń bastalýyn 15 kúnge aýystyrý týraly sheshim eldegi epıdemıologııalyq jaǵdaıǵa sáıkes, dástúrli oqytý nysanyna kezeń-kezeńimen kóshý maqsatynda qabyldandy.
Óz kezeginde, Qyrǵyzstan Respýblıkasy Bilim jáne ǵylym mınıstrligi oqý protsesin dástúrli formatta qaıta bastaý kezinde qoǵamdyq densaýlyq saqtaý máseleleri, osyndaı formattyń artyqshylyqtary men qaýip-qaterleri jáne basqa da faktorlar nazarǵa alynýy tıis ekenin atap ótti.
«Qazirgi ýaqytta barlyq deńgeıdegi bilim berý uıymdarynda 152 myń 827 qyzmetker jumys istep jatyr. Densaýlyq saqtaý jáne áleýmettik damý mınıstrliginiń aqparatyna sáıkes, 2021 jylǵy 12 tamyzdaǵy jaǵdaı boıynsha COVID-19-ǵa qarsy vaktsınanyń birinshi dozasyn 56 myń 114 qyzmetker alǵan, bul 36,7% quraıdy. Óz kezeginde, ujymdyq ımmýnıtetti qalyptastyrý úshin qyzmetkerlerdiń keminde 70% vaktsınalaý qajet, ıaǵnı elimiz boıynsha bilim berý salasynyń keminde 52 myń qyzmetkeri vaktsına alýy tıis», - delingen habarlamada.
Oqý jylyn keıinge aýystyrý jazǵy týrıstik maýsymnyń uzarýyna da áseri bar. ıAǵnı týrızm salasyn qalpyna keltirip, ony ári qaraı damytýǵa yqpal etpek.
«Bul qaýly bilim berý júıesindegi qyzmetkerlerdiń jalaqysyna áser etpeıdi. Budan bólek, oqýdy 11 qyrkúıekten keıin bastaıtyn birqatar shet elderdiń tájirıbesi de nazarǵa alyndy», - dep túsindirdi mınıstrler kabınetinen.
