Qyrǵyzstan maýsym oqıǵalarynda mert bolǵandarǵa DNK-zertteýlerdi júrgizý týraly Qazaqstan, Reseı, Iran jáne Qytaımen kelissózder júrgizýde
BІShKEK. Shildeniń 29-y. QazAqparat /Evgenıı Novıkov/ - Qazirgi ýaqytta Qyrǵyzstan óz elinde DNK-zertteýlerdi júrgizetin zerthanalardyń joqtyǵynan QR ońtústiginde oryn alǵan maýsym oqıǵalary kezinde mert bolǵandarǵa gendik negizde qaıtarymsyz DNK-zertteýlerdi júrgizýge qatysty Qazaqstan, Reseı, Iran jáne Qytaımen kelissózder júrgizýde.
Osyǵan deıin birqatar BAQ ókilderi «DNK-Tehnologııalar - Manas» kompanııasynda materıaldardy jınastyrý sharalaryn júrgizip, ony naqty zertteýdi «Medıkal Genomıks» (Anglııa) kompanııasynda jasaýǵa ábden bolady degen aqparat taratqan edi.
Osyǵan baılanysty, genetıkalyq DNK-zertteýlerdi júrgizýge arnalǵan jabdyqtardyń tehnıkalyq qasıetterin jan-jaqty ári obektıvti, tolyq zertteý úshin Densaýlyq saqtaý mınıstrliginde arnaıy komıssııa quryldy.
Komıssııa sarapshylar bergen qorytyndy anyqtamada, «DNK-Tehnologııalar - Manas» zerthanasy jeke tulǵasyn anyqtaýǵa qatysty talaptarǵa jaýap bere almaıtynyn, bul jerdegi jabdyqtardyń eskirgendigi, qajetti DNK-zertteýleriniń quramy men reagentteriniń tozyp ketkeni týraly aqparat berilipti.
Qyrǵyz Respýblıkasynyń Densaýlyq saqtaý mınıstrligi taratqan málimetke sáıkes, qazirgi kúni 45 adamnyń múrdesiniń jeke tulǵasy anyqtalǵan joq. Olarǵa qatysty barlyq qajetti DNK úlgilerin barlyq talaptarǵa saı, tájirıbeli laboranttar alyp, qazirgi kúni QR densaýlyq saqtaý mınıstrliginiń Memlekettik sanıtarlyq baqylaý departamentine saqtaýǵa qoıyldy.
