Qyrǵyzstan qyzy Máskeýde «Mercedes» markaly kólikpen úsh zeınetkerdi qaǵyp ketti
ASTANA. 7 qarasha. QazAqparat - Máskeýde Qyrǵyzstannyń kámeletke tolmaǵan azamatshasy «Mercedes» markaly kólikpen úsh zeınetker áıeldi qaǵyp ketti.
RBK agenttigine Máskeý qalalyq quqyq qorǵaý organynyń ókili habarlaǵandaı, oqıǵa keshe, 6 qarasha kúni Dýbnınskaıa kóshesiniń boıyndaǵy 12 úıdiń janynda bolǵan.
Derek kóziniń naqtylaǵanyndaı, avtokólik artqa qaraı júrip kele jatyp, 1940, 1936 jáne 1934 jylǵy úsh zeınetkerdi qaǵyp ketedi. Zardap shekken 1940 jylǵy qart sol jerde qaza tapsa, qalǵan eki áıel aýrýhanaǵa jatqyzyldy.
Jol apatyn jasaǵan adamdy sol kúni keshke qolǵa túsirý múmkin boldy. Anyqalǵanyndaı, ol 1994 jyly týǵan Qyrǵyzstan azamatshasy bolyp shyqqan. Ol eshqandaı ruqsat qujatynsyz kólikke otyrǵan. Qart ájelerdi soqqan ol kólikti tastap, qashyp ketken.
Endi qyrǵyz azamatshasy 5 jylǵa deıin bas bostandyǵynan aıyrylýy múmkin.
