Qyrǵyzstan koronavırýsqa baılanysty tótenshe jaǵdaı rejımin engizbek
BІShKEK. Kabar-QazAqparat - Qyrǵyz Respýblıkasynyń Qaýipsizdik keńesi 22 naýryzdan bastap el aýmaǵynda tótenshe jaǵdaı rejımin engizýge usynys jasady, dep habarlaıdy QazAqparat Kabar agenttigine silteme jasap.
Agenttik málimetinshe, búgin, 21 naýryzda Qyrǵyzstan Prezıdenti Sooronbaı Jeenbekovtiń tóraǵalyǵymen Qaýipsizdik keńesiniń kezekti otyrysy ótti. Shaǵyn quramdaǵy otyrysqa memlekettik organdardyń basshylary, Úkimettiń Shý oblysyndaǵy ókiletti ókili, Bishkek meri qatysqan.
Prezıdent apparatynyń aqparattyq saıasat bóliminiń habarlaýynsha, koronavırýs ınfektsııasynyń Qyrǵyzstan aýmaǵynda taralýynyń aldyn alý boıynsha qosymsha sharalar qaralǵan. Respýblıkalyq jedel shtab basshysy Qýatbek Boronov koronavırýstyń odan ary taralýyna jol bermeý maqsatynda búkil el aýmaǵynda tótenshe jaǵdaı rejımin engizý týraly usynys engizgen.
«Bul máseleni talqylaý nátıjesinde shaǵyn quramdaǵy Qaýipsizdik keńesi otyrysyna qatysýshylardyń usynystary eskerile kele sheshim qabyldandy. Atalǵan sheshimge sáıkes, Qyryz Respýblıkasynyń Premer-Mınıstri 2020 jylydń 22 naýryzynan bastap el aýmaǵynda 1 aı merzimge tótenshe jaǵdaı engizý týraly usynys jasaıdy. Qyrǵyz Respýblıkasy Úkimetine Qaýipsizdik keńesi hatshylyǵymen birge tótenshe jaǵdaı jarııalanǵan jaǵdaıda jedel áreket etýdiń tıisti josparyn ázirleý tapsyryldy», - dep jazady agenttik.
