Qyrǵyzstan Konstıtýtsııasyna ózgerister engizý týraly referendým 4 jeltoqsanda ótkiziledi
BІShKEK. QazAqparat - Jogorký Kenesh 4 jeltoqsan kúni «Qyrǵyz Respýblıkasynyń Konstıtýtsııasyna ózgerister engizý týraly» zańy boıynsha referendým ótkizý týraly zań jobasyn bekitti. Bul týraly QR Jogorký Kenesh saıtynda habarlandy.
«Zań jobasyna sáıkes, egemendik ıesi jáne memlekettik bıliktiń basty kózi bolyp sanalatyn Qyrǵyzstan halqynyń talap-tilegin anyqtaý úshin parlament 2016 jyldyń 4 jeltoqsanyna tutas Qyrǵyzstan aýmaǵyna referendým taǵaıyndaýy qajet», - delingen habarlamada.
Qyrǵyz Respýblıkasy ortalyq saılaý komıssııasy da referendýmǵa daıyndyq jaıly pikir bildirdi. Referendým men jergilikti keńeske saılaý 4 jeltoqsanda ótedi. Referendým ótkizýge 67 mıllıon 40 myń som jumsalady.
Aıta keteıik, Qyrǵyzstannyń negizgi zańyndaǵy ózgertýler parlament pen premer-mınıstr ókilettikterin nyǵaıtýdy qarastyrady. Referendým ótkizý eldegi bes parlamenttik fraktsııa kóshbasshylarynyń bastamasymen kóterildi. Keıinirek olardy prezıdent Almazbek Atambaev qoldady.
