Qyrǵyzstan Konstıtýtsııa kúnin atap ótip jatyr

BІShKEK. QazAqparat - Qyrǵyzstanda Qyrǵyz Respýblıkasynyń tuńǵysh Konstıtýtsııasynyń qabyldanǵanyna 30 jyl tolý kúni merekelenýde, dep habarlaıdy QazAqparat tilshisi.

1993 jylǵy 5 mamyrda Qyrǵyzstan Respýblıkasy Joǵarǵy Keńesiniń HІІ sessııasynda Qyrǵyz Respýblıkasy eliniń birinshi Konstıtýtsııasy qabyldandy. Negizgi zań jobasyn «aty ańyzǵa aınalǵan parlament» daıyndap, eki jyl talqylady.

Ataýly dataǵa oraı Qyrǵyzstan Prezıdenti Sadyr Japarov el halqyna quttyqtaý sóz sóılep, qazirgi Qyrǵyzstanda el birliginiń, memleket táýelsizdigi men tutastyǵynyń, ondaǵy qoǵamnyń damýynyń negizi - onyń Konstıtýtsııasy ekenin atap ótti.

Táýelsizdik jyldarynda Qyrǵyzstan Respýblıkasynyń negizgi zańy birneshe ret jetildirilip, jańartyldy. 1993 jyldan 2016 jylǵa deıin memlekettik bılik ınstıtýttary – Prezıdent, Jogorký Kenesh jáne Qyrǵyz Respýblıkasy Úkimetiniń ókilettikteri men fýnktsııalaryna qatysty saıası jáne konstıtýtsııalyq-quqyqtyq máselelerge qatysty máselelerdi sheshý maqsatynda 9 konstıtýtsııalyq reforma júrgizildi.

Qyrǵyzstan Respýblıkasynyń Konstıtýtsııalyq Keńesi ázirlegen qazirgi Konstıtýtsııa 2021 jylǵy sáýirdegi referendým qorytyndysy boıynsha qabyldanǵan.

Gúlmıra Abdrahmanova