Qyrǵyzstan qolónershileri Irandaǵy halyqaralyq festıvalge qatysty
ASTANA. QazAqparat - Tegeranda Naýryz merekesine arnalǵan qolónershilerdiń halyqaralyq festıvali ótti.
Naýryzdyń 3-i men 5-i aralyǵynda bolǵan dástúrli sharany mádenı mura, qolóner jáne týrızm Keńsesi jáne Irannyń ıÝnesko janyndaǵy materıaldyq emes murany saqtaý zertteý ortalyǵy uıymdastyrǵan.
Sharaǵa Iran, Tájikstan, Ózbekstan, Indonezııa, Armenııa jáne taǵy basqa elderden kelgen qolóner sheberleri qatysty. Qyrǵyzstan atynan «CACSARC-kg» - Qyrǵyzstandaǵy qolónerdi qoldaý qaýymdastyǵynyń ákimshilik ortalyǵy qoǵamdyq qorynyń jáne «Oımo» halyqaralyq qolóner festıvaliniń basshylyǵy keldi.
Festıval aıasynda etnomádenı murany saqtaý máselesine arnalǵan konferentsııa ótti. Onyń basty maqsaty - balalardy ulttyq qýyrshaqtar men oıynshyqtarmen tanystyrý arqyly ulttyq tarıh pen mádenıetke nazaryn aýdarý.
Irannyń Ulttyq murajaıynda Qyrǵyzstan qolónershileri kıizden jasalǵan qýyrshaqtar men "oımo" stılindegi dúnıelermen tanystyrdy. Qyrǵyz sheberleriniń týyndylary festıval qonaqtary men dızaınerlerdi óziniń biregeıligimen, sapasy ári boıaýymen erekshe tánti etti, dep habarlaıdy centralasian.org.
