Qyrǵyzstan kólik mınıstrliginiń tórt qyzmetkeri qar kóshkininen ajal qushty
ASTANA. QazAqparat - Qyrǵyzstannyń ońtústigi men soltústigin jalǵaıtyn Bishkek-Osh strategııalyq avtojolynyń 255-shaqyrymynda bolǵan qar kóshkininen Qyrǵyzstan kólik jáne joldar mınıstrliginiń tórt qyzmetkeri kóz jumdy.
Bul týraly respýblıkanyń TJM baspasóz qyzmetinen habarlady.
«Búgin túnde qar massasy Toyota, Lexus jáne Subaru avtokólikterin basyp qaldy», - delingen habarlamada.
Toyota salonynda bolǵan kólik jáne joldar mınıstrliginiń tórt qyzmetkeri oqıǵa ornynda kóz jumdy, dep habarlady TASS agenttigi. Al Lexus júrgizýshisi men onyń eki jolaýshysyn, sondaı-aq Subaru kóliginde bolǵan úsh adamdy qutqarýshylar aman-esen alyp shyqqan.
TJ ornyna 52 adamnan quralǵan qutqarýshylar brıgadasy jáne qar tazalaıtyn aýyr tehnıka jiberildi. «Sonymen birge oqıǵa ornyna bizdiń mınıstrlik basshysy Kýbatbek Boronov ta attandy», - delingen TJM habarlamasynda.
Mekeme derekterine sáıkes, bir apta ishinde Bishkek-Osh jolynyń boıyna taý bókterlerinen 11 qar kóshkini túsken.
