Qyrǵyzstan qazynasynan barlyq derlik aqsha joǵalyp ketti
ASTANA. Sáýirdiń 10-y. QazAqparat - Bılikten yǵystyrylǵan Qyrǵyzstan prezıdenti Qurmanbek Bakıev pen onyń otbasy memlekettiń qazynasyn bos derlik qaldyrdy. Onda nebári 16 mıllıon ǵana eýro qalǵan, dep habarlaıdy RBK agenttigi «Maıak» radıosyna silteme jasap.
Q.Bakıev baqylaıtyn bankter qarjyny elden shyǵaryp áketpes úshin, ýaqytsha úkimet Qyrǵyzstannyń bank júıesiniń jumysyn ýaqytsha toqtatty. Qazirgi ýaqytta prezıdenttiń jaqyn týystary - onyń eki uly men baýyryna qatysty qylmystyq ister qozǵalýda. Úsheýine de izdeý jarııalandy. Kýágerlerdiń aıtýynsha, Q.Bakıevtiń dál osy úsh týǵany adamdarǵa oq atýǵa buıryq bergen.
Q.Bakıev, ýaqytsha úkimettiń ol prezıdenttik ókilettigin óz erkimen tapsyrsa, onyń qaýipsizdigine kepildik bergenine qaramastan, óz ómirine alańdaýly ekenin málim etti.
Aıta ketý kerek, prezıdenttiń ýaqyty az qaldy, sebebi jaqyn arada oppozıtsııa bıliktiń aýysqany týraly dekretke qol qoımaq, al bul qujat eski konstıtýtsııany almastyrady. Nátıjesinde, Q.Bakıev taǵynan taıdyrylyp, prezıdenttik qolsuǵylmaýshylyq mártebesinen aırylady.
Keıbir málimetter boıynsha, jańa úkimet Q.Bakıevke qatysty qylmystyq is qozǵap ta qoıǵan.
