Qyrǵyzstan Qazaqstannan 300 mln. tekshe metr tabıǵı gaz satyp alady
ASTANA. 1 qazan. QazAqparat - Qyrǵyzstan Qazaqstannan 300 mln. tekshe metr tabıǵı gaz satyp alady. Bul jóninde «Qyrǵyzgaz» AAQ bas dırektory Turǵynbek Qulmurzaev málimdedi. «Qyrǵyzstan Qazaqstannan 300 mln. tekshe metr tabıǵı gaz satyp alady», - degen Qulmurzaevtyń sózin mysalǵa keltirdi «24.kg» AA.
Onyń aıtýynsha, 2011 jyldyń basynda Qyrǵyzstan Ózbekstanmen tabıǵı gaz tasymaly jóninde kelisimge kelgen. «Qańtarda onyń baǵasy myń tekshe metrine 223 dollar kóleminde belgilengen bolatyn. Keıin ózbek tarapy baǵany 243 dollarǵa deıin kóterdi, nátıjesinde baǵa 278 dollarǵa deıin sharyqtap ketti. Biz tutynýshylar úshin tarıfti burynǵy deńgeıden asyrmaı ustap keldik, endi, mine, Qazaqstannan arzan otyn satyp alý múmkindigi týyp otyr», - dep túsindirdi Turǵynbek Qulmurzaev.
