Qyrǵyzstan Qazaqstan Respýblıkasynyń Úkimeti men barsha qazaq eline kómekteri úshin alǵys aıtady
ASTANA. Qazannyń 8-i. QazAqparat - Ótken aptada Bishkektegi qazaq elshiligine Osh jáne Jalal-Abad qalalaryn qalpyna keltirý men damytý jónindegi Qyrǵyz Respýblıkasynyń Memlekettik dırektsııasynan hat kelip tústi, dep habarlaıdy QR Syrtqy ister mınıstrliginiń baspasóz qyzmeti.
Hatta Qyrǵyzstannyń ońtústigindegi maýsym aıynda bolǵan tártipsizdikterden zardap shekken aýdandarǵa arnalyp aqysyz kómek retinde Qazaqstannan jiberilgen qurylys zattarynyń tolyq kólemde jetkendigi jazylady.
«Qyrǵyzstan Respýblıkasy úkimeti men barlyq qyrǵyz eliniń atynan Qazaqstan Respýblıkasynyń Úkimeti men barsha qazaq halqyna Qyrǵyzstan Respýblıkasynyń halqyna jibergen kómekteri úshin shyn júrekten alǵys aıtamyz», - delingen hat mátininde.
