Qyrǵyzstan Qazaqstan, Reseı jáne Belarýstyń Keden odaǵyna qosylýy tıis - Premer Atambaev
ASTANA. 29 jeltoqsan. QazAqparat - Qyrǵyzstan Qazaqstan, Reseı jáne Belarýstyń Keden odaǵyna qosylýy tıis. Mundaı pikirdi Qyrǵyz Premer-Mınıstri Almazbek Atambaev "Reseı daýysyna" bergen suhbatynda bildirdi. Onyń aıtýynsha, odaqqa qosylý kezinde halyqaralyq ýaǵdalastyq saqtalýy kerek, dep habar taratady RBK.
"Men dál qazir Qyrǵyzstannyń bolashaǵy biryńǵaı Kedendik odaqtaǵy Reseımen jáne basqa eldermen - Qazaqstan, Belorýspen birge ekenin kórip turmyn. Sonymen qatar Reseımen Biryńǵaı ekonomıkalyq keńistikte bizdiń áleýetimiz arta túsedi", - dedi A.Atambaev.
Onyń aıtýynsha, Qyrǵyzstan Kedendik odaqqa qosylýǵa ótinish bildirgen.
