Qyrǵyzstan Qaýipsizdik keńesiniń hatshysy: Bishkektegi jarylys - dinı separatısterdiń jumysy
BІShKEK. 30 qarasha. QazAqparat /Arnur Rahymbekov/ - Qyrǵyzstanda oryn alǵan sońǵy oqıǵalarǵa baılanysty Bishkekte Qaýipsizdik keńesiniń hatshysy Marat Imanqulovtyń, Ulttyq qaýipsizdik qyzmeti men QR Іshki ister mınıstrligi ókilderiniń baspasóz máslıhaty ótkizildi.
«Bishkektegi jarylys - dinı separatısterdiń jumysy, - dep málimdedi M.Imanqulov. - Oshta tárkilengen jarylǵysh zattar kórsetip otyrǵandaı, bul jerde naǵyz mamandar jumys jasaǵan. Mundaı qarý-jaraqpen tek lańkester daıyndaıtyn arnaıy lagerlerde daıyndyqtan ótken adamdar ǵana jumys isteı alady. Bishkekte keshe Oshta tárkilengen jarylǵysh zatqa uqsas qurylǵy jaryldy».
«Lańkesterdiń maqsaty - halyqty qorqytý. Keshegi Oshtaǵy atysqa qatysty adamdar anyqtaldy. Jaqyn arada olar quryqtalady. Osymen qatar biz Bishkektegi qylmysty da ashamyz», - dep atap ótti M.Imanqulov.
