Qyrǵyzstan Katarǵa birlesken IT-akademııa ashýdy usyndy
ASTANA. QazAqparat - Qyrǵyzstannyń Bilim jáne ǵylym mınıstri Gúlmıra Qudaıberdıeva Katar ýnıversıtetterimen birlesken ІT-akademııa ashý múmkindikterin qarastyrýdy usyndy, dep habarlaıdy «Kabar».
Qyrǵyzstan men Katar eki el arasyndaǵy Ýnıversıtetterdiń yntymaqtastyǵyn damytpaq. Máseleni Qyrǵyzstannyń Bilim jáne ǵylym mınıstri Gúlmıra Qudaıberdıeva men Katardyń Bilim mınıstri Halıd Al-Alı birlese talqylady.
«Eki elde birlese jumys atqaratyn ýnıversıtetter kóp. JOO-lar arasyndaǵy kelisim sharttar jasasýǵa kómektesip, yntymaqtastyq jumystaryna qoldaý kórsetýimiz qajet. Biz, sonymen qatar, ǵylymı zertteý salasynda da áriptestik ornata alamyz», - dedi Halıd Al-Alı.
Gúlmıra Qudaıberdıeva «Taza Koom» baǵdarlamasynyń aıasynda mınıstrliktiń qyzmeti týraly áńgimelep, birlesken AT akademııasyn ashý múmkindigin qarastyrýdy usyndy.
