Qyrǵyzstan qashyqtan jumys isteýdi zańdastyrdy
BІShKEK. QazAqparat – Qyrǵyzstanda qyzmetkerlerdiń qashyqtan jumys isteýin retteıtin Eńbek kodeksine qosylǵan ózgerister kúshine endi, dep habarlaıdy QazAqparat tilshisi.
«QR Eńbek kodeksine ózgerister engizý týraly» QR qabyldaǵan zańǵa qashyqtan jumys isteý jáne elektrondy eńbek kelisimsharty uǵymy engizildi. Qashyqtan jumys isteıtin qyzmetshimen eńbek kodeksin qashyqtan, ıaǵnı elektrondy eńbek kelisimsharty túrinde elektrondy qoltańbamen bekitýge ruqsat etiledi. Ózgerister memleket tarapynan bolǵan shekteý sharalary men tótenshe jaǵdaı kezinde, sondaı-aq frılanserler men shalǵaı eldi mekenderde ornalasqan qyzmetkerlerdi jumysqa alý sharasyn jeńildetedi.
Qashyqtan jumys isteıtin qyzmetkerlerge jumys berýshi men qyzmetker arasyndaǵy jumys jaǵdaılaryn, jumys ýaqyty men demalys ýaqytyn, eńbekti qorǵaý, demalys berý, ótemaqy tóleý mólsherin, tártibi men merzimin qamtıtyn eńbek zańnamasynyń jańa normasyndaǵy erekshelikterdi eskere otyryp, eńbek týraly zańnamanyń jáne ózge de normatıvtik quqyqtyq aktilerdiń erejesi qoldanylady.
«QR Eńbek kodeksine ózgerister engizý týraly» QR Zańy 2023 jyldyń 11 qańtarynan kúshine endi.
Gúlmıra Ábdirahmanova
