Qyrǵyzstan Qarýly kúshterdiń qaýipsizdigine erekshe nazar aýdarmaq

BІShKEK. QazAqparat - Álemniń ártúrli aımaqtarynda bolyp jatqan qarýly qaqtyǵystardyń saldaryn boljaý qıyn. Bul týraly keshe Qyrǵyzstan Qarýly kúshteriniń 30 jyldyǵyna arnalǵan saltanatty sharada sol eldiń Prezıdenti Sadyr Japarov aıtty, dep habarlaıdy QazAqparattyń menshikti tilshisi.

«Tıimdi Qarýly Kúshterdi qurý – elimizdiń ulttyq qaýipsizdigin qamtamasyz etýdiń basty mindeti»,-dedi Qyrǵyzstan basshysy.

S.Japarovtyń aıtýynsha, jaqyn arada Qaýipsizdik keńesi eldiń Qarýly kúshteriniń jańa áskerı doktrınasynyń jobasyn, atap aıtqanda, olardyń jaýyngerlik áleýetin arttyrýdy qarastyrady. Ótken jyly áskerı qyzmetkerlerdiń jalaqysy kóterildi.

Sonymen birge Qarýly Kúshterde jumys isteıtin azamattyq qyzmetkerlerdiń jalaqysyn arttyrý boıynsha jańa usynystar qarastyrylýda.