Qyrǵyzstan qar barysyn aýlaıtyndarǵa aıyppul kólemin ulǵaıtty
ASTANA. QazAqparat - Qyrǵyzstanda qar barysyn aýlaý men ustaǵany úshin salynatyn aıyppul kólemi 500 myńnan 1,5 mln somǵa deıin ulǵaıdy, dep habarlaıdy Kabar.
Bul týraly Bishkekte ótken baspasóz máslıhatynda Qorshaǵan ortany qorǵaý jáne orman sharýashylyǵy memlekettik agenttigi janyndaǵy Tabıǵı resýrstardy qorǵaý jáne paıdalaný departamentiniń dırektory Almaz Musaev málimdedi.
Onyń aıtýynsha, mundaı qaýly 2017 jylǵy 18 tamyzda qabyldanǵan.
«Bul qaýly qar barysyn aýlaý men ustaýǵa ǵana emes, sondaı-aq ony tasymaldaý men saqtaýǵa da qatysty», - dedi ol.
Musaev sońǵy úsh jylda Qyrǵyzstanda brakonerlikpen aınalysqany úshin 11 adam 1 jyldan 5 jylǵa deıin sottalǵan.
Aıta keteıik, Bishkek qalasynda 2017 jylǵy 24-25 tamyzda qar barysy men onyń ekojúıesin saqtaý jóninde halyqaralyq forým ótýde.
