Qyrǵyzstan Q.Bákıevti estradıtsııalaýǵa qol jetkizbek
ASTANA. Shildeniń 7-si. QazAqparat - Qyrǵyzstan bılik basshylary Belarýske Qyrǵyzstannyń burynǵy prezıdenti Qurmanbek Bákıevti ekstradıtsııalaýǵa baılanysty ekinshi suratýyn jibermek. Bul týraly búgin baspasóz máslıhatynda eldiń ýaqytsha úkimeti basshysynyń orynbasary Ázimbek Beknazarov aıtty, dep habarlaıdy RBK.
Onyń pikirinshe, Qyrǵyzstannyń jańa bıliginiń zańdylyǵy Belarýs sheshimine áser etýi múmkin.
Á.Beknazarov atap ótkendeı, Belarýsta, keıbir málimetter boıynsha, Q.Bákıevtiń jaqyn týystary, onyń ishinde onyń aǵasy Janysh Bákıev te bolýy múmkin. Qyrǵyzstan Úkimeti týysqandary týraly aqparatty teksermek, sonyń ishinde Interpol arqyly da, dep naqtylady Á.Beknazarov.
Qyrǵyzstanda Q.Bákıevke qarsy qylmystyq is qozǵalǵan. Eldiń jańa basshylary ony Bishkekte sáýirdiń 7-sinde sherýge shyqqandarǵa qarsy oq atty jáne bılikti asyra paıdalandy degen aıyptar taǵylýda. Keıbir málimetterde Q.Bákıevtiń otbasy Qyrǵyzstannan shamamen 2 mln. dollardaı qarjyny alyp shyqqan. Belarýsten saıası pana alǵan Q.Bákıev Otanyna qaıtyp oralmaıtyny týraly jarııa etken edi.
