Qyrǵyzstan ınvestıtsııa tartý úshin sheteldikterge uzaqmerzimdi vıza usynady
BІShKEK. QazAqparat - Sheteldik azamattarǵa nemese azamattyǵy joq adamdarǵa Qyrǵyzstan ekonomıkasyna salynǵan ınvestıtsııalary úshin uzaqmerzimdi vızalar beriletin bolady, dep habarlaıdy QazAqparat qyrǵyz eliniń Jogorký Kenesh saıtyna silteme jasap.
Qyrǵyzstan Respýblıkasynyń «Syrtqy kóshi-qon týraly» Zańyna tıisti ózgerister el parlamentiniń úsh oqylymynda qabyldandy.
Túzetýler Qyrǵyzstanǵa keminde 20 mıllıon som (230 myń AQSh dollary) ınvestıtsııa salǵan sheteldik ınvestorlarǵa 10 jyl merzimge jáne el ekonomıkasyna kem degende 10 mln som (115 myń AQSh dollary) úles qosqandarǵa bes jyldyq vıza berýdi qarastyrady.
Osy ýaqytqa deıin 10 mıllıon somnan artyq ınvestıtsııa salǵan azamattyǵy joq adamdar nemese sheteldik azamattar úsh jyl merzimge ınvestıtsııalyq vıza alyp kelgen.
