Qyrǵyzstan ІІM Sırııadaǵy áskerı is-qımyldardy júrgizý úshin tartylǵan 86 qyrǵyz azamatyn anyqtady
BІShKEK. QazAqparat - Búgin Bishkekte ótken baspasóz-konferentsııasynda Qyrǵyzstan Respýblıkasy ІІM 10-basqarmasynyń Rafık Mambetalıev jýrnalısterge 2014 jylǵy jáne 2015 jyldyń qańtar aıyndaǵy statıstıkalyq málimetterge sáıkes Qyrǵyzstanda Sırııadaǵy soǵysqa azamattardy tartýdyń 86 faktisi anyqtalǵanyn málimdedi. Bul týraly QazAqparat tilshisi habarlady.
Onyń sózine qaraǵanda, 23 fakti boıynsha qylmystyq is qozǵaldy, 6 qylmystyq is biriktirildi, qalǵan faktiler boıynsha tergeý amaldary men tekseris júrýde.
«Búginde ІІM 10-shy basqarmasy QR 188 azamaty Sırııa, Aýǵanstan jáne Pákistandaǵy soǵysqa tartylǵanyn anyqtady. Olardyń 24 áıelder, beseýi QR oraldy. 9 adam ustaldy, 18-ine izdeýge jarııalandy. Jıyrma bir qyrǵyzstandyq qaza tapty», - dep túıdi Mambetalıev.
Sondaı-aq, QR ІІM 10-shy basqarmasynyń qyzmetkerleri qyrǵyzstandyqtardy Sırııaǵa jiberýdiń 4 baǵytyn anyqtady. Qyrǵyzstannyń ońtústik aımaqtarynda musylman ókilderimen tıisti jumystar júrgizilýde. «Barlyq meshitter men ımamdardy tekserip jatyrmyz. Qazirgi ýaqytta barlyq ımamdar attestatsııadan ótýde», - dedi Mambetalıev.
