Qyrǵyzstan ІІM oń róldi kólikti tasýǵa tyıym salýdy usyndy
BІShKEK. QazAqparat - Qyrǵyzstannyń Іshki ister mınıstrligi úkimetke jol qozǵalysyn retteıtin zań jobasy aıasynda elge oń róldi kólikti tasýǵa tyıym salýdy usyndy.
Mınıstrliktiń málimetinshe, el aýmaǵyna ákelingen oń róldi kóliktiń kóbeıýi jol apattarynyń artýyna ákelip soqty.
Jol qozǵalysynyń mamandary atalmysh kólik quraldarynyń apattyq jaǵdaıy tym joǵary dep sanaıdy. Olardyń aıtýynsha, 2009-2012 jyldar aralyǵynda syrttan kelgen oń róldi kóliktiń kórsetkishi eldegi jalpy kólik sanynyń 30 paıyzyn qurap otyr.
Qazirgi ýaqytta ІІM usynǵan zań jobasy elde qyzý talqylanyp jatyr. Qoǵamdyq tyńdaýlar ótken soń, joba barlyq mınıstrliktermen kelisilip, úkimettiń qaraýyna joldanady. Odan soń zań jobasy el parlamentinde talqylanady.
Buǵan deıin oń róldi kólikterge kedendik baj salyǵyn kóterý týraly usynys túsken bolatyn. Sondaı-aq ІІM málimetinshe, mınıstrlik eldegi qoldanystaǵy oń róldi kólikterge qatysty qandaıda bir sanktsııa qoldanylmaıdy.
