Qyrǵyzstan ІІM qyzmetti kazarmalyq kestege aýystyrdy, Bishkek kóshelerin Qorǵanys mınıstrliginiń patrýli kúzetýde
BІShKEK. 27 qazan. QazAqparat /Arnur rahymbekov/ - 30 qazan kúni ótetin prezıdenttik saılaýǵa baılanysty Qyrǵyzstannyń tártip saqtaý organdary qyzmetterin kúsheıtti.
26 qazannan bastap Qyrǵyz Respýblıkasy Іshki ister mınıstrliginiń Іshki áskeri kazarmalyq kestege kóshti, al 28 qazannan bastap ІІM barlyq quramyn jáne jazany oryndaý memlekettik qyzmetin jumyldyrý josparlanýda.
Sonymen qatar, Bishkekte Qorǵanys mınıstrliginiń eki áskerı qyzmetkeri men bir mılıtsıonerden turatyn patrýldik top jumysqa kiristi. Olar qarýlanbaǵan jáne el astanasynyń kóshelerindegi tynyshtyqty kúzetedi.
