Qyrǵyzstan ІІM qashyp júrgen asa qaýipti qylmyskerler týraly aqparat úshin 1 mln. som syıaqy bermek
ASTANA. QazAqparat - Qashyp júrgen qylmyskerler týraly aqparat úshin Qyrǵyzstan ІІM 1 mln som kóleminde syıaqy beretinin jarııalady. Bul týraly quqyq qorǵaý vedomstvosynyń basshysy Melıs Turǵanbaev málim etti, dep habarlady KırTAG.
«Búginnen bastap qashyp ketken qylmyskerlerdiń qaýiptiligine baılanysty Qyrǵyzstan ІІM izdeý salynǵan aýyr qylmyskerlerdiń mekenjaıy jónindegi aqparat úshin 1 mln som syıaqy beretini jóninde habarlaıdy», - delingen habarlamada.
Eske sala ketsek, 12 qazanǵa qaraǵan túni №50 túzeý mekemesinen toǵyz sottalýshy qashyp ketken.
Toǵyz qashqynnyń beseýi ustaldy, olardyń arasyndaǵy jaraqaty bar bireýi aýrýhanaǵa jetkizildi.
Tórteýi izin sýytty. Qashqan asa qaýipti qylmyskerler Itıbaev Altynbek, Abdrahmanov Edıl, Mýsýralıev Azamat Bishkek qalasy men Chý oblysynyń ózge aýdandarynda da izdestirilýde. Barlyǵy dinı ekstremızm men lańkestik úshin jaýapkershilikke tartylǵan.
Atap óteıik, budan buryn Qyrǵyzstannyń ulttyq qaýipsizdik memlekettik komıteti osy aqparat úshin 300 myń som syıaqy beretini jóninde jarııalaǵan edi.
