Qyrǵyzstan ІІM elde terrorlyq áreket jasamaq bolǵan azamattardy ustady
ASTANA. QazAqparat - Qyrǵyzstan ІІM memlekettik mekemesi qyzmetkerleriniń jedel izdestirý jumystarynyń nátıjesinde oqý ornyn bitirisimen Sırııa men Egıpette daıyndyqtan ótip, Qyrǵyzstanda terrrolyq áreket jasaýǵa daıyndalǵan osy eldiń azamattary ustaldy, deıdi bul týraly KırTAG Qyrǵyzstan Respýblıkasy ІІM silteme jasap.
Osh jáne Jalal-Abad oblystarynyń turǵyndary Túrkııadan ushyp kelgenen keıin, Bazar-Qorǵan aýylynda ustalǵan.
Osh oblysy Іshki ister bólimine Osh oblysy Noqat aýdanynyń 1995 jyly týǵan turǵyny men Jalal-Abad oblysy Sozaq aýdanynyń 1988 jyly týǵan turǵyny jetkizildi. Jedel izdestirý jumystarynyń nátıjesinde, ustalǵandardyń bireýi Túrkııaǵa 2013 jyldyń aqpanynda ketkendigi anyqtaldy. Ol 2015 jyldan birneshe aı boıy Sırııanyń Latakııa provıntsııasynda qarý qoldaný ádisterin meńgerip, ekstermısterdi daıyndaý lagerinde oqý-daıyndyqtan ótken. Qylmyskerdiń biri - «Takvıd jáne jıhad» dinı ekstremıstik radıkaldy tobynyń múshesi. Ustalǵan ekinshi azamat (1988 jyly týǵan) Egıpette oqý-daıyndyqtan ótken. Ustalǵan boıda tintý jumystaryn júrgizý nátıjesinde odan ekstremıstik sıpattaǵy materıaldar tabyldy dep qosymsha habarlaıdy Qyrǵyzstan ІІM baspasóz qyzmeti. Jedel-izdestirý tobynyń málimetterine sáıkes, Qarasuıyq aýdany Qashqar-Qyshtaq aýylynyń turǵyny, 1981 jylǵy Otabek Ismaılov pen 1990 j.t., Osh oblysy, Qashqar-Qyshtaq aýylynyń turǵyny, «Taýhıd jáne jıhad» tobynyń ámiri Sırojıdın Muhtarov (ekeýi de izdeýge jarııalanǵan) azamattardy top quramyna tartqan jáne «jıhadqa» shaqyrǵan. Qazirgi tańda olar «Djabhat-an-nýsra» terrorlyq uıymynyń qatarynda Sırııa terrıtorııasyndaǵy qandy qaqtyǵystarǵa qatysyp jatyr.
