Qyrǵyzstan ІІM basshysy: Elde jaǵdaıdy ýshyqtyrýǵa múddeli top bar
BІShKEK. KABAR-QazAqparat - Elde jaǵdaıdy ýshyqtyrýǵa múddeli adamdar toby bar. Bul týraly tilshilermen ótken kezdesý barysynda Qyrǵyzstan Respýblıkasy ishki ister mınıstriniń mindetin atqarýshy Kýrsan Asanov málim etti, dep habarlaıdy QazAqparat KABAR agenttigine silteme jasap.
Ol bunyń artynda kimder turǵanyn bilmeıtinin aıtty.
«Bul tek Bishkekte emes, búkil el boıynsha oryn alyp otyrǵan jaǵdaı. Osh qalasynda da, Osh oblysy, Jalal-Abad oblysynda da oryn alyp otyr. Búkil aýmaq boıynsha jumys júrgizilip jatyr. Barlyq teris áreketter qatań túrde toqtatylady», - dedi ol.
Kýrsan Asanov eshqandaı eslakatsııaǵa jol bermeıtinin málimdedi.
«Biz máseleni áýeli kelissózder jolymen sheshetin bolamyz. Qarapaıym adamdarǵa qatysty kúsh jumsaý ádisteri qoldanylmaıdy», - dep qosyp ótti ol.
