Qyrǵyzstan ІІM Atambaevtyń ustalǵanyn resmı habarlady
BІShKEK. Kabar-QazAqparat – Quqyq qorǵaý organdary qyzmetkerleriniń birlesip júrgizgen sharalary nátıjesinde Almazbek Atambaev ustaldy, dep habarlaıdy Kabar agenttigi Qyrǵyzstan Respýblıkasy ІІM baspasóz qyzmetine silteme jasap.
«2019 jyldyń 8 tamyzynda mılıtsııa qyzmetkerleri Qyrǵyz Respýblıkasynyń MUQK qyzmetkerlerimen birlesip eriksiz keltirý boıynsha júrgizgen is-sharalary nátıjesinde A.Sh.Atambaev ustaldy», - delingen habarlamada.
ІІM-de atap ótkendeı, tergeý-jedel is-sharalaryn júrgizý kezinde eshkim zardap shekken joq.
Ustaý kezinde arnaıy operatsııa ornynda Qyrǵyz Respýblıkasynyń ishki ister mınıstri Kashkar Djýnýshalıev pen onyń orynbasary mılıtsııa polkovnıgi Almaz Orozalıev jetekshilik etken.
ІІM-de habarlaǵandaı, Atambaev Qyrǵyz Respýblıkasy zańnamasyna sáıkes ári qaraı tergeý sharalaryn júrgizý úshin sáıkes organdarǵa jetkizildi.
