Qyrǵyzstan halqynyń sany aldaǵy kúzde 6 mıllıonǵa jetedi - A. Atambaev
ASTANA. QazAqparat - Qazan aıynda Qyrǵyzstan turǵyndarynyń sany 6 mıllıonǵa jetedi. Bul týraly prezıdent Almazbek Atambaev senbi kúni batyr-analardy marapattaý saltanatynda málim etti dep habarlaıdy KırTAG.
«Analardyń arqasynda 2015 jyly kúzge qaraı Qyrǵyzstan halqynyń sany 6 mıllıonǵa jetýi tıis. Eldegi demografııalyq kórsetkishter táýir.
«Peıish analardyń aıaǵynyń astynda» dep aıtady. Men bizde osyndaı batyr-analardyń bar ekendigin maqtan tutamyn. Bizdiń baılyǵymyz munaı nemese gaz emes, bizdiń analarymyz. Men barshany Analar kúni óz analaryna baryp, olardy merekelerimen quttyqtaýǵa shaqyramyn»,-dedi prezıdent.
«Bul meıram bizde qalyptasyp ketedi. Jáne men analardyń arqasynda bizdiń halqymyz 10 mıllıonǵa jetetindigine senimdimin»,- dedi A. Atambaev.
