Qyrǵyzstan halqynyń sany 7 mln adamǵa jaqyndady

BІShKEK. QazAqparat – Qyrǵyzstan turǵyndarynyń sany 7 mln adamǵa jaqyndady, dep habarlaıdy QazAqparat menshikti tilshisi.

Eldiń ulttyq statıstıkalyq komıteti taratqan málimetke sáıkes, 1 tamyzdaǵy jaǵdaı boıynsha respýblıka halqynyń sany 6 mln 977 myń adam boldy.

Turaqty turǵyndardyń naqty sany 2009 jylmen salystyrǵanda 1,6 mln adamǵa artyp otyr. Jylyna orta eseppen 2,1% ósim baıqalady.

Vedomstvodan habarlaǵandaı, halyq sanaǵy men turǵyn úı qorynyń kólemin anyqtaý kóktemde eki kezeńmen júrgizilgen. Jaz kezinde statıstıka komıteti alynǵan málimetterdi óńdeýdiń birinshi kezeńin atqarǵan. Qazir málimetter boıynsha jiberilýi múmkin logıkalyq qateler tekserilip, aǵymdaǵy demografııalyq esep derekterimen (jynysy, jasy, aýmaqtyq bólinis jáne t.b.) salystyrý júrgizilip jatyr. Bul kezeń jyl sońynda aıaqtalady.