Qyrǵyzstan halqyna óz elderin qurýda danalyq pen ustamdylyq tileımin-N. Nazarbaev
ASTANA. Qazannyń 20-sy. QazAqparat /Marlan Jıembaı/ - Qyrǵyzstan halqyna óz elderin qurýda danalyq pen ustamdylyq tileımin, dedi QR Prezıdenti N.Nazarbaev búgin Astanada ótip jatqan Qazaqstan halqy Assambleıasynyń HVІ sessııasynda sóılegen sózinde.
«Álemdik ekonomıkalyq daǵdarys osy zamannyń jahandyq problemalaryn tek ulǵaıtty. Búgingi tańda mıllıardqa jýyq adam astyqtyń jetispeýshiliginen zardap shegýde. Jyl saıyn ashtyqtan 5 mıllıonǵa jýyq bala qaza tabady. 200 mıllıonnan astamnyń jumysy joq. Kedeıshilik kezinde toleranttyq baıqalmaıdy. Sonyń saldarynan jyl saıyn búkil álemde 30-ǵa jýyq jańa qarýly qaqtyǵystar tutanady. Ókinishke oraı, etnıkaaralyq qaqtyǵystar TMD elderinde de oryn alady», - dep atap ótti Elbasy.
Bul oraıda Qyrǵyzstanda saıası daǵdarys jaǵdaıynda etnıkaaralyq qaqtyǵystarǵa arandap, onyń sońy aýyr zardapqa ákelgendigin basa aıtqan N.Nazarbaev& «Qazirgi ýaqytta Qyrǵyzstanda memlekettik ınstıtýttardyń qalpyna kelý protsesi júrýde. Biz, qazaqstandyqtar bul elden árbir jaǵymdy jańalyqty úmitpen qabyldaımyz», - dedi.
