Qyrǵyzstan gýmanıtarlyq apattyń aldynda tur
ASTANA. Mamyrdyń 19-y. QazAqparat - Qyrǵyzstannyń ýaqytsha úkimet basshysynyń orynbasary Ázimbek Beknazarov kórshi memleketterden un men janar-jaǵarmaı materıaldary kontrabandasy úshin jazany alyp tastaýdy usynyp otyr.
Osynaý shara respýblıkaǵa, shekaranyń jabylýy saldarynan týyndap otyrǵan un men otynnyń jetispeýshiligin sheshýge múmkindik beredi, dep sanaıdy ol. Qazaqstan men Qyrǵyzstannyń arasyndaǵy shekara sáýirdiń 7-sinen beri jabyq tur, dep habarlaıdy RBK agenttigi.
Á.Beknazarovtyń pikirinshe, kontrabanda úshin jaza alyp tastalsa, munaı ónimderi men un respýblıkaǵa jekemenshik kásipkerler arqyly «mototsıklmen bolsyn, esekpen bolsyn» jetkiziledi.
Ózbekstan Qyrǵyzstannyń ońtústik óńirlerine gaz jetkizilimin shektegennen keıin, eldegi jaǵdaı odan beter ýshyǵyp otyr. Qazir elge burynǵy 2,5 myń tekshemetrdiń ornyna 800 tekshemetr ǵana «kógildir otyn» kelýde.
Resmı Tashkenttiń mundaı sharaǵa barýyna Bishkektiń gaz úshin qaryzynyń 2 mıllıon dollarǵa jetýi sebep bolyp otyr.
Esterińizge sala keteıik, Qyrǵyzstandaǵy tóńkeristen keıin, kórshi Ózbekstan men Qazaqstan shekaralaryn jaýyp tastady.
