Qyrǵyzstan elge EQYU polıtsııasyn kirgizý sharttary týraly kelissóz júrgizýde
ASTANA. Qyrkúıektiń 1-i. QazAqparat - Qyrǵyzstan EQYU polıtsııasynyń kómeginen bas tartpaq emes, biraq olardyń elde kelýiniń keıbir sharttarymen kelispeıdi. Bul týraly Qyrǵyzstan Prezıdenti ákimshiliginiń ókili Farıd Nııazov málim etti,
dep habarlaıdy «Azattyq» radıosy.
F.Nııazovtyń aıtýynsha, polıtseılik konsýltatıvtik toptyń elge kelý sharttary týraly memorandýmnyń jobasynda Bishkek úshin tıimsiz birqatar baptar bar kórinedi. Sol baptar boıynsha qazir EQYU ókildiginde kelissózder júrgizilip jatyr.
Maýsym aıynda etnosaralyq qaqtyǵystar oryn alǵan Qyrǵyzstannyń ońtústigine 52 halyqaralyq polıtsııa qyzmetkeriniń kelýi týraly kelisimge tamyz aıynda qol qoıý josparlanǵan bolatyn. Odan beri Bishkek pen Osh qalasynda elge EQYU polıtsııasynyń ákelinýine narazylyq bildirilgen aktsııalar bolyp ótti.
