Qyrǵyzstan elektr energııasyn tutyný boıynsha rekord jańartty
BІShKEK. QazAqparat – Qyrǵyzstan sońǵy úsh kúnde elektr energııasyn tutyný boıynsha rekord jańartyp keledi. Bul týraly Kabar agenttiginde ótken baspasóz máslıhatynda Energetıka vıtse-mınıstri Mırlan Jaqypov málim etti, dep habarlaıdy QazAqparat Kabar aqparat agenttigine silteme jasap.
Onyń aıtýynsha, eldegi qalyptan tys sýyqtyń saldarynan energetıka júıesine júkteme artty. Mundaı jaǵdaı keńestik kezeńnen beri baıqalmaǵan.
«Ótken táýlikte 76 mln kılovatt saǵat tutynyldy. Sońǵy birneshe kúni keshki ýaqytta energııa júıesi qoldanystaǵy qýat sheginde jumys istep tur, bul jylý berý maýsymynda ruqsat etilmeıdi. Jabdyqtardyń qaýipsiz jumys isteýin qamtamasyz etý jáne tótenshe jaǵdaılardy boldyrmaý úshin eldiń túkpir-túkpirinde energetıkter sý elektr stantsııalary men qosalqy stansalarda táýlik boıy kezekshilik atqarýda», - dedi ol.Onyń aıtýynsha, apattyq óshirý bolǵan joq.
Foto: kabar.kg
