Qyrǵyzstan eldi oblystarǵa bólýdi joımaq
ASTANA. 17 naýryz. QazAqparat - Qyrǵyzstanda júrgiziletin ákimshilik reformalardyń nátıjesinde eldi oblystarǵa bólý joıylady. Bul týraly K-News agenttigi habarlady.
Agenttik aqparaty boıynsha, tıisti ereje ákimshilik-aýmaqtyq qurylym júıesin reformalaý tujyrymdamasynda qamtylǵan. Al bul tujyrymdamany 15 naýryz kúni memlekettik basqarý júıesin ońtaılandyrý jónindegi komıssııa maquldady.
Qazirgi ýaqytta Qyrǵyzstannyń ákimshilik qurylymy basqarýdyń ortalyq, oblystyq, aýdandyq jáne mýnıtsıpıaldy dep atalatyn 4 deńgeıinen turady. Reforma aıasynda oblystyq deńgeıdi alyp tastaý usynylady. Qujat avtorlarynyń paıymynsha, bul basqarýdyń artyq býynyn alyp tastaýǵa jáne sonyń esebinen basqarý shyǵystaryn qysqartýǵa múmkindik beredi. Sondaı-aq bul bastama jemqorlyqtyń tómendeýine de áser etedi dep boljanýda. Ákimshilik reformalaýdy 2017 jylǵa deıin júzege asyrý josparlanýda.
Qazirgi ýaqytta Qyrǵyzstan ákimshilik jaǵynan Shý, Ystyqkól, Talas, Naryn, Djalal-Abad, Osh jáne Batken oblystaryna bólinedi.
