Qyrǵyzstan el Konstıtýtsııasynyń túpnusqasyn joǵaltyp aldy
ASTANA. QazAqparat - Qyrǵyzstan bıligi el Konstıtýtsııasynyń túpnusqasyn tappaı dal.
Bul týraly Jogorký Keneshtiń otyrysynda málim boldy, dep habarlaıdy QazAqparat 24.kg-ǵa silteme jasap.
Ádilet mınıstri Jyldyz Mambetalıeva Ata zańnyń túrnusqasy Qyrǵyz Respýblıkasy prezıdenti apparatynda ornalasýy tıistigin atap ótti. Biraq Jogorký Keneshtegi prezıdenttiń ýákiletti ókili Moldakýn Abdyldaev túpnusqa qandaı apparatta, qandaı sheneýnikte jatqanyn bilmeıtindigin málim etti. El prezıdentiniń Keńsesi qujatty izdegenimen - tappady.
Depýtat Natalıa Nıkıtenko («Ata Meken» partııasy) komıssııa quryp, jaǵdaıdyń mán-jaıyn anyqtaýdy usyndy. «Konstıtýtsııaǵa ózgeristerdi qalaı engize alamyz, eger onyń túpnusqasy qaıda ekenin bilmesek?», - dedi ol.
Ony Aıda Salıanova («Ata Meken» partııasy) da qoldady. «Eki resmı ókil tupnusqanyń joqtyǵyn málim etti. Ózgeris engizbesten buryn ony tabý qajet. Áıtpese ózgeristerdi qaıda engizip jatqanymyz belgisiz ǵoı», - dep atap ótti ol.
Buǵan Jogorký Kenesh Komıtetiniń tóraıymy Ásel Kodýranova (Qyrǵyzstannyń Sotsıal-demokratııalyq partııasy) «dál Aıda Salıanova 2010 jyly Ádilet mınıstrligi nelikten el Konstıtýtsııasynyń túpnusqasyn emes, kóshirmesin qabyldap jatqany týraly suraýy kerek edi», degen jaýap qaıyrdy.
