Qyrǵyzstan densaýlyq mınıstrliginiń habarlaýynsha, qaza bolǵan 14 adamnyń kim ekendigi anyqtalǵan joq
ASTANA. Sáýirdiń 9-y. QazAqparat - Búgingi tańda Qyrǵyzstandaǵy tártipsizdikter saldaryn qaza bolǵan 14 adamnyń kimder ekeni anyqtalmaı otyr. Bul týraly Qyrǵyzstannyń densaýlyq saqtaý mınıstrligine silteme jasap «KABAR» agenttigi habarlady.
Densaýlyq saqtaý mınıstrliginiń málimetteri boıynsha, respýblıka boıynsha tártipsizdikter kezinde medıtsına mekemelerine 1 522 adam júgindi, olardyń 522-si aýrýhanalarǵa jatqyzyldy, 75 adam qaza boldy.
«Ótken tún salystyrmaly túrde tynysh ótti, ártúrli jaraqattarmen 49 adam keldi. Biz barlyq aýrýhanalarmen baılanys jasap otyrmyz, densaýlyq saqtaý mınıstriniń mindetin atqarýshy D.Nııazalıeva emdeý oryndaryn aralap shyqty», dep habarlady shtabtan.
Densaýlyq saqtaý mınıstrligi óz ómirlerine qaýip tónip turǵanyna qaramastan óziniń dárigerlik boryshyn atqarýdy jalǵastyrǵan barlyq medıtsına qyzmetkerlerine alǵys aıtty.
