Qyrǵyzstan COVID-19 vaktsınasyn alǵan týrısterdi qabyldaýǵa daıyn
NUR-SULTAN. QazAqparat - Qyrǵyzstan COVID-19 vırýsyna qarsy vaktsına saldyrtqan sheteldik týrısterdi qabyldaýǵa daıyn. Bul týraly Kabar agenttiginde ótken baspasóz konferentsııasy kezinde Qyrǵyzstannyń Ekonomıka jáne qarjy mınıstrligi janyndaǵy Týrızm departamenti dırektorynyń orynbasary Qyıal Kenjematova málim etti, dep habarlaıdy QazAqparat KABAR agenttigine silteme jasap.
Onyń aıtýynsha, ótken jyly Qyrǵyzstan álemdegi koronavırýs ınfektsııasy pandemııasyna baılanysty týrızm salasynda úlken shyǵynǵa ushyraǵan.
«Búginde Qyrǵyzstan Respýblıkasynda týrıstik maýsymnyń bastalýymen birge koronavırýs pandemııasynan keıin elde týrızm sektoryn damytý algorıtmi quryldy, onda qoldarynda COVID-19 vırýsyna qarsy vaktsına saldyrtqan sheteldik týrısterdiń Qyrǵyzstanǵa kele alatyny jazylǵan», - dedi ol.
Ol sondaı-aq algorıtm sheteldik týrısterdiń sanıtarlyq normalardy mindetti túrde saqtaýyn qarastyratynyn atap ótti.
«Qazirgi kezde algorıtm Qyrǵyzstan Respýblıkasy Syrtqy ister mınıstrliginiń qaraýynda», - dep qosyp ótti Q.Kenjematova.
Qazirgi kezde Qyrǵyzstannyń áýe qatynasy álemniń barlyq elderimen ashyq ekeni atap ótiledi. Alaıda qurlyqtaǵy jolmen Qyrǵyzstanǵa 33 eldiń azamaty ǵana kire alady.
