Qyrǵyzstan BUU QK-niń turaqty emes músheligine óz kandıdatýrasyn usyndy

BІShKEK. QazAqparat - Qyrǵyzstan BUU Qaýipsizdik Keńesiniń 2027-2028 jyldardaǵy turaqty emes músheligine óz kandıdatýrasyn usyndy. Bul týraly el prezıdenti Sooronbaı Jeenbekov 25 qyrkúıek kúni Nıý-Iorkte ótken BUU Bas Assambleıasynyń 73-shi sessııasynda aıtty, dep jazady Kabar agenttigi.

Atap ótilgendeı, Qyrǵyzstan óz kandıdatýrasyn BUU men álemniń nazaryn shaǵyn memleketter máselelerine aýdartý maqsatynda usyndy.

S. Jeenbekov qazirgi syn-tegeýrinder men qaýip-qaterlerge jaýap beretin  túbegeıli jańa halyqaralyq tetikterdi qalyptastyrý qajettigin eske saldy. Uıym ózgeristerdi qajet etedi jáne bul ýaqyttyń, qazirgi ómirdiń talaptary.

«Bul reforma ámbebaptyq jáne geografııalyq keń qamtylý prıntsıpterine  negizdelip, BUU-ǵa múshe memleketterdiń keń qoldaýyna ıe bolýy tıis. Qyrǵyzstan Birikken Ulttar Uıymynyń beıbitshilikti, jahandyq qaýipsizdik pen turaqty damýdy qamtamasyz etý boıynsha ortaq isine súbeli úlesin qosýǵa umtylyp keledi», - dedi S. Jeenbekov.