Qyrǵyzstan bozany óndirý tehnologııasyn patenttedi
BІShKEK. Kabar-QazAqparat - Qyrǵyzstanda boza shyǵarýdyń texnologııalyq jelisine patent berildi, dep xabarlaıdy QazAqparat Kabar agenttigine silteme jasap.
Qyrǵyzstan azamattary - A.Sadıeva, N.Tılemıshova, A.Abdraımov, R.Halmýratovtar endi ulttyq «Bozo» sýsynyn patent negizinde brendke aınaldyrmaq.
Agenttiktiń «Qyrǵyzpatentke» silteme jasap xabarlaýynsha, texnologııa tazalaý-jýý mashınasy, qaınatý apparaty, salqyndatý ydysy, aralastyrǵysh, ashytý ydysy, quıǵysh-tyǵyndaǵysh avtomat sekildi bólikterden turady. Osynyń bári kótergish qondyrǵysy bar júk tasymaldaıtyn tirkemege tizbekteı ornalastyrylǵan.
Texnologııanyń bir ereksheligi mynada, tazalaý-jýý mashınasy men qaınatý mashınasynyń arasyna aralastyratyn ydys, al ashytý ydysy men quıǵysh-tyǵyndaǵysh avtomattyń arasyna arnaıy ıirmekti prestegish fıltr ornatylǵan.
Boza — dándi daqyldardan ashytyp jasalatyn ejelgi álsiz ishimdik. Daıyndalý tehnologııasy men saqtalý merzimine qaraı jas boza, qorlanǵan boza dep te atalady. Jas boza quramynda 4 — 6%, al qorlanǵan bozada 12 — 15% spırt bolady.
