Qyrǵyzstan boksshysy A. Úsenálıev Eýropa chempıony Endrıý Selbıdi tize búktirdi
ASTANA. QazAqparat - Qyrǵyzstan sportshysy Azat Úsenálıev Dúnıejúzilik boks serııasynda Eýropa chempıony Endrıý Selbıdi jeńdi. Bul týraly dúısenbide ýkraınalyq BAQ habarlady.
Dúnıejúzilik boks serııasy 2-týrynyń oıyny aıaqtaldy. Munda «Ýkraın atamandary» «Brıtanııanyń arystan júrekteri» komandasymen kezdesip, qarsylasyn 3:2 esebimen eńserdi. Oıyn qorytyndysy tórt saıystan keıin merziminen buryn sheshildi. Jeńimpazdyń biri retinde Azat Úsenálıevtiń esimi erekshe atalady. Ol 52 keli salmaq sanatynda Endrıý Selbımen aıqasqa tústi. Jekpe-jek merziminen buryn aıaqtaldy. Qarsylasy jaraqatynyń aýyrlyǵynan 5-shi raýndqa shyǵýdan bas tartty.
