Qyrǵyzstan: Bazarda uıyqtap jatqan sýreti jarııalanǵan úsh jasar balanyń otbasyna páter beriletin boldy
ASTANA. QazAqparat - Almazbek Atambaev keshe úsh jasar Ysqaq Úsenovtiń otbasyna páter syılaý týraly sheshim shyǵardy. Bul týraly Qyrǵyz Respýblıkasy Prezıdentiniń resmı saıtynda habarlandy.
Eske sala keteıik, Kara-Cýý qalasy bazarynda konteıner túbinde uıyqtap jatqan úsh jasar balanyń sýretin kóptegen ınternet basylymdar jarysa jarııalaǵan bolatyn. Osy oqıǵadan keıin el prezıdenti balany taýyp, onyń otbasyna járdem berý týraly tapsyrma bergen edi. Bul mindetti Qyrǵyz Respýblıkasy Prezıdenti apparatynyń basshysy Farıd Nııazov vıtse-premer-mınıstr Gúlmıra Qudaıberdıeva men Úkimettiń Osh oblysyndaǵy ýákiletti ókili Taalaıbek Sarybashevqa júktegen.
