Qyrǵyzstan Bas prokýratýrasy Ystyqkóldegi mılıtsııa qyzmetkerlerine jasalǵan shabýyl faktin tekserýde
BІShKEK. 8 shilde. QazAqparat /Arnur Rahymbekov/ - Qyrǵyzstannyń Ystyqkól oblysy Іshki ister basqarmasynyń bastyǵy Jalıl Ilıppaevtyń aıtýynsha, eldiń Bas prokýratýrasy oblystyń Bosteri aýylynda jergilikti turǵyndar men mılıtsııa qyzmetkerleriniń arasyndaǵy qaqtyǵysty tekserýge kiristi.
4 shilde kúni Ystyqkól jaǵalaýyndaǵy shıpajaılardyń birinde mılıtsııa qyzmetkerleri men jergilikti turǵyndardyń arasynda qaqtyǵys bolyp, oqıǵa saldarynan eki turǵyn jaralanǵan edi. Ázirge anyqtalmaǵan sebepter boıynsha, daýdyń sońy jappaı tóbeleske ulasyp, aýyldyń 400-ge jýyq turǵyny «Bishkek-Balyqshy» tas jolyn jaýyp tastaıdy.
«Qazir tergeý amaldary júrgizilip jatyr. Kimniń durys, kimniń burys ekeni týraly aıtýǵa áli erterek, bul istiń núktesin tergeý men sot qoıady», -deıdi M.Ilıppaev. Bosteri aýylynda da oqıǵanyń mán-jaıyn tekserýge kómektesetin komıssııa qurylyp otyr, onyń quramyna jergilikti 22 turǵyn kirip otyr, deıdi Ystyqkól oblysy Іshki ister basqarmasynyń bastyǵy.
