Qyrǵyzstan azamaty shekaradan 8 tonna úırek etin jasyryn ótkizbek bolǵan
ASTANA. QazAqparat - Qazaq-qyrǵyz shekarasy arqyly úlken kólemdegi qus etin zańsyz ótkizbek bolǵan azamattyń joly kesildi. Bul týraly QR UQK ShQ baspasóz qyzmetinen habarlady.
Qordaı shekara otrıadyna qarasty «Qarasý - avto» baqylaý-ótkizý beketiniń shekrashylary salmaǵy 8 tonna bolatyn úırektiń etin jasyryn ótkizýge tyrysqan Qyrǵyzstan azamatyn ustady.
Atalǵan júk 37 jastaǵy qyrǵyzstandyq azamattyń tirkemeli «Daf» júk kóliginiń jasyryn bóliginen tabyldy.
Atalǵan derek boıynsha Qordaı aýdandyq prokýratýrasy habarlandyryldy. Al júktiń ózi Qarasý aýylyndaǵy veterınarlyq qyzmet ókilderine tapsyryldy.
