Qyrǵyzstan azamaty 10 jyl boıy Qazaqstannan zańsyz zeınetaqy alyp kelgen
ÓSKEMEN. QazAqparat – Qyrǵyzstan azamaty 10 jyl boıy Qazaqstannan zańsyz zeınetaqy alyp kelgen, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, kóshi-qon qyzmetiniń mamandary qos azamattyǵy bar Rıdder qalasynyń turǵynyn anyqtady.
Ol 2012 jyldyń maýsym aıynda Qyrǵyzstan Respýblıkasynyń azamattyǵyn qabyldaǵan.
Biraq 10 jyl boıy qazaqstandyq zeınetaqyny alyp keldi.
«Tártip buzýshyǵa QR ÁQBtK-niń 496-baby 1-bóligine sáıkes 100 AEK kóleminde aıyppul salyndy. Odan QR azamatynyń jeke kýáligi men pasporty tárkilendi», - dedi oblystyq PD bastyǵynyń birinshi orynbasary Eldos Zakımov.
Jyl basynan beri Shyǵys Qazaqstanda qos azamattyq úshin 19 adam jaýapqa tartylǵan.
QR zańnamasy boıynsha adam basqa eldiń azamattyǵyn alǵannan keıin kúntizbelik 30 kún ishinde qazaqstandyq úlgidegi pasport pen jeke kýálikti tapsyrýǵa mindetti.
