Qyrǵyzstan azamatshasy Malaızııada qulaǵan tikushaq ushqyshynyń kómekshisi bolǵan
Qyrǵyzstan SІM saldarynan arasynda Malaızııa premeri keńsesiniń basshysy Azlın Alıas, Malaızııanyń AQSh-taǵy burynǵy elshisi, depýtat Djamalýddın Djardjıs, bıznesmen Robert Tan, ekıpajdyń eki múshesi men Djardjıstiń oqqaǵary bolǵan barlyǵy 6 adam qaza tapqan áýe apatynyń bolaǵany týraly faktini resmı túrde rastady.
Qyrǵyzstan Elshisiniń Malaızııadaǵy keńesshisi Ulan Júsipovtyń aıtýynsha, qaza tapqan A.Baızıevanyń apasy onyń múrdesin taný úshin Malaızııaǵa keldi. «Bizde A.Bazıevanyń Elshilikte tirkelmeýi sebebinen onyń Malaızııada bolýyna qatysty egjeı-tegjeıli málimet joq. Budan tolyǵyraq aqparatty múrdeni tanýdan keıin ǵana bere alamyn», - dep habarlady U.Júsipov. Malaızııanyń «Cempaka Aviation sdn» kompanııasynyń tikushaǵy Kýantannan (Pahang shtaty) Sýbangqa (Selangor shtaty) ushqany atap ótiledi. Apat kýágerleriniń aqparatynsha, tikushaq jerden alys emes bıiktkte, nóser kezinde kaýchýk plantatsııasynyń ústinen ushyp bara jatqan kezinde jarylyp, odan keıin ormanǵa qulaǵan. Jergilikti BAQ-tyń málimetterinshe, qaza tapqandardyń barlyǵy birden kóz jumǵan. Qaza tapqan barlyq adamdardyń múrdeleri tabylyp, Kýala-Lýmpýr aýrýhanasynyń máıithanasyna jetkizildi. Tikushaqtyń qara jáshikteri kelesi kúni apat ornynan tabylyp, endi ondaǵy jazbalar oqý úshin Ulybrıtanııaǵa jiberilmek. Malaızııa premer-mınıstriniń tapsyrýymen apattyń barlyq jaǵdaılaryn tergeý boıynsha arnaı komıssııa quryldy.
