Qyrǵyzstan aýmaǵynda 4 baldyq jer silkinisi qaıtalandy

ASTANA. QazAqparat - Búgin saǵat 11.26-da Qyrǵystan Respýblıkasy Seısmologııa ınstıtýtynyń stansasy 4 baldyq jer silkinisin tirkedi, dep habarlady KırTAG.

Jer silkinisiniń magnıtýdasy - Mpv=4.3, energetıkalyq klasy - K = 9.9.

Qyrǵyzstan Respýblıkasynyń UǴA Seısmologııa ınstıtýtynyń aldyn ala derekterine súıensek, jer silkinisiniń kindigi Chaıchı aýylynyń ońtústigine qaraı 8 shaqyrym qashyqtyqta, Lıangar aýylynan shyǵysqa qaraı 8 shaqyrym jerde, Qablan-Kol aýylynyń soltústik-batysyna qaraı 12 shaqyrym, Osh q. ońtústik- shyǵysyna qaraı 35 shaqyrym jerde ornalasty.

Qyrǵyzstan Respýblıkasynyń Chaıchı, Kablan-Kol, Lıangar eldi mekenderinde - 3,5 ball, Qyzyl-Týý, Boz-Qaraǵan, Bek-Jar, Qara-Shoro, Bash-Býlaq aýyldarynda -3 ball, Qyzyl-Korǵon, Osh qalasynda - 3 baldyq jer silkinisi boldy.

Aldyn ala derekterge súıensek, zardap shekkender men qurbandar joq.

Budan buryn 17 qarashada Qyrǵyzstan ońtústiginde qýaty 4-ten 6 balǵa deıin jetken jer silkinisi bolǵan.