«Qyrǵyzstan Atambaevpen birge reseılene» túse me?»- respýblıkalyq basylymdarǵa sholý
***
Qazaqstan Prezıdenti Nursultan Nazarbaevtyń Vetnam Sotsıalıstik Respýblıkasyna 2 kúndik tuńǵysh resmı sapary ótýde. Osyǵan oraı «Egemen Qazaqstan» gazetinde «Táýelsizdik tegeýirini» degen taqyryppen kólemdi maqala jaryq kórdi. Basylymnyń jazýynsha, Elbasymyz resmı sapar baǵdarlamasyn Ulttyq batyrlar monýmentine baryp, azattyq jolynda qurban bolǵandar rýhyna taǵzym etýden, eldiń táýelsizdigine qol jetkizgen tuńǵysh Prezıdent Ho Shı Mınniń mavzoleıine gúl shoǵyn qoıýdan bastady. «Nursultan Nazarbaevpen kezdesý kezinde Chyong Tan Shang Qazaqstannyń táýelsizdik jyldaryndaǵy tabystary tańdanarlyqtaı ekenin qadap aıtty, Elbasymyzdy egemen eldiń jıyrma jyldyǵymen quttyqtaı kelip, eki memlekettiń saýda-ekonomıkalyq qatynastary aldaǵy kezde qazirgiden anaǵurlym arta alatynyn aıtty», - dep jazady basylym.
Keshe respýblıka Premer-Mınıstri Kárim Másimov Elbasynyń tapsyrmasymen qurylysy aıaqtalýǵa jaqyndaǵan Raıymbek aýdany aýmaǵyndaǵy «Moınaq» gıdro-elektr stansasyna keldi. Bul sapar jaıdan-jaı emes. Búginde el nazary Táýelsizdigimizdiń 20 jyldyǵy qarsańynda iske qosylatyn «Moınaq» GES-ine aýǵan. Bul Qazaqstandaǵy óndiris salasynyń órge basýy men elimiz ustanǵan ındýstrııalyq-ınnovatsııalyq saıasat júrgizýdiń dúnıejúzilik baı tájirıbesin meńgerýdiń jemisi deýge bolady. Úkimet basshysynyń sapary arqaı bolǵan maqala el gazeti «Egemen Qazaqstanda» «Moınaqtyń» shýaq shashar sáti jaqyn» degen taqyryppen berilgen.
***
Qyrǵyzstan premer-mınıstri Almazbek Atambaev prezıdent saılaýynda alda keledi Ortalyq saılaý komıssııasynyń aldyn ala bergen málimetteri boıynsha, qyrǵyz premeri saılaýshylardyń 64,7 paıyz daýysyn alǵan. Qyrǵyzstannyń jańa prezıdenti saılanǵannan keıin jaǵdaı qalaı bolmaq? Mine osy jáne basqa da ózekti saýaldarǵa «Aıqyn» gazetine suhbat bergen qyrǵyz saıasattanýshysy Mars Sarıev egjeı-tegjeıli jaýap bergen. «Árıne, biz kóbirek reseıshil bolamyz. Qyrǵyzstannyń Keden odaǵyna ótýi shynaı jaǵdaıǵa aınalmaq. Biraq bul Reseıdiń qol astyna tolyǵymen ótemiz, basqa memleketterden «at quıryǵyn kesisemiz» degendi bildirmeıdi», - deıdi qyrǵyz saıasattanýshysy «Qyrǵyzstan Atambaevpen birge «reseılene» túse me?» degen taqyryppen berilgen suhbatynda.
***
Oraza aıt qarsańynda «ana jerde jarylys bolady, myna jerde qurbandyq shalady eken» degen alyp-qashpa áńgimelerden aıaq alyp júrgisiz bolǵan. Atyraý Qurban aıttyń qarsańynda taǵy da tynyshtyǵyn buzyp aldy. Dúısenbi kúni tańerteńgi saǵat 9:45 shamasynla oblystyq ákimshilik ǵımaratynyń mańynda bolǵan jarylys eldiń úreıin ushyrdy. Alǵashynda «oblystyq ákimdikti jaryp jiberipti degen sýyq sózdi keıin «jaı ǵana jylý júıesinde apat bolǵan eken» dep tynyshtandyrǵandar bolǵanymen, jergilikti turǵyndar «bul taǵy da ýahabtardyń jasap otyrǵany» desip dúrlikti. Bul jaıynda «Alash aınasy» gazetiniń búgingi sanynda keńinen baıandalǵan. Maqalanyń tolyq nusqasyn oqyǵyńyz kelse, «Atyraýda jarylys boldy» degen taqyrypqa nazar salyńyz.
«Qaraǵandylyqtardyń qýanyshynda shek joq. «Shahter» tuńǵysh ret el fýtbolynyń tarıhynda Qazaqstan chempıony atandy. Al almatylyqtardyń ózegin ókinish kernep tur. «Qaırat» kelesi maýsymdy taǵy da birinshi lıgada ótkizedi. Iıa, bireýlerge qýanysh, bireýlerge muń syılaǵan el chempıonatynyń kezekti maýsymy aıaqtaldy», - dep jazady «Alash aınasy» gazeti. Basylymnyń «Doda» aıdarynda jaryq kórgen maqala «Shahter» - chempıon!» degen taqyryppen berilgen.
***
«Maskatta Qazaqstan elshisi Erlan Ábildaev Oman Sultany Qabys ben Saıdqa Senim gramotasyn tapsyrdy», - dep jazady «Kazahstanskaıa pravda» gazeti. Elimizdiń osy memlekettegi alǵashqy elshisinen Senim gramotasyn saltanatty qabyldaý rásimine Oman Sultanatyndaǵy joǵary laýazymdy tulǵalary qatysty. Olardyń ishinde memlekettik syrtqy ister mınıstri ıÝsef ben Alaýı da boldy. Senim gramotasyn saltanatty tapsyrý rásiminen keıin taraptar eki-jaqty qarym-qatynastardyń ózekti máselelerin talqylap, halyqaralyq uıymdar sheńberindegi ózara is-qımyl jaıyn sóz etti.
